కల్లుగీత కార్మికురాలిపై పోలీసు కన్నెర్ర

మహిళను లాక్కెళుతున్న పోలీసు

సింధియా, న్యూస్‌టుడే: జీవనోపాధి కోసం కల్లు విక్రయిస్తున్న మహిళపై ఓ పోలీసు దురుసుగా ప్రవర్తించిన సంఘటన శుక్రవారం విశాఖపట్నంలో చోటు చేసుకుంది. పారిశ్రామిక ప్రాంతం గుల్లలపాలెంలో ఒక మహిళ సంచిలో కల్లు సీసాలు తీసుకొచ్చి విక్రయిస్తోంది. అయితే నిబంధనలకు విరుద్ధంగా కల్లు విక్రయిస్తే ఎక్సైజ్‌ సిబ్బంది తనిఖీలు చేసి చర్యలు తీసుకోవాలి. ఇక్కడ మాత్రం స్థానిక ఒక బార్‌ అండ్‌ రెస్టారెంట్‌కు చెందిన సిబ్బంది చొరవతో ఓ సివిల్‌ పోలీసు అక్కడికి చేరుకున్నారు. ఇక్కడ కల్లు విక్రయిస్తే.. బార్‌ అండ్‌ రెస్టారెంట్‌కు వినియోగదారులెవరూ రావడం లేదంటూ మండిపడ్డారు. మహిళ చేతిలో ఉన్న కల్లు సీసాల సంచిని బలవంతంగా లాక్కుని ఆమెను అక్కడినుంచి ఖాళీ చేయించేందుకు ప్రయత్నించారు. ఇంతలో జనం గుమిగూడడంతో పోలీసు, బార్‌ సిబ్బంది అక్కడినుంచి జారుకున్నారు.