తెదేపా మేనిఫెస్టోతో వైకాపా నాయకుల్లో వణుకు

తెలుగు మహిళ రాష్ట్ర అధ్యక్షురాలు అనిత

సమావేశంలో మాట్లాడుతున్న అనిత

పాయకరావుపేట, న్యూస్‌టుడే: చంద్రబాబునాయుడు ప్రకటించిన తొలివిడత మేనిఫెస్టోతో వైకాపా నాయకుల గుండెల్లో దడ మొదలైందని తెలుగు మహిళ రాష్ట్ర అధ్యక్షురాలు వంగలపూడి అనిత పేర్కొన్నారు. పట్టణంలోని పార్టీ కార్యాలయంలో బుధవారం నిర్వహించిన సమావేశంలో ఆమె మాట్లాడుతూ రైతులు, మహిళలు, యువతకు పెద్దపీట వేసిన పథకాలు చూసి వెన్నుల్లో వణుకు మొదలైందని పేర్కొన్నారు. వైకాపా పాలనతో జనం విసిగిపోయారని చెప్పారు. పరిపాలన చేతకాక రాష్ట్రాన్ని అప్పుల ఊబిలోకి నెట్టేశారని విమర్శించారు. ప్రభుత్వ ఆస్తులను తాకట్టు పెడుతున్నారని ఆరోపించారు. రాష్ట్రాన్ని అన్నిరంగాల్లోనూ గాడిలో పెట్టాలంటే ముఖ్యమంత్రిగా చంద్రబాబునాయుడే రావాలని ప్రతి తెలుగువాడు కోరుకుంటున్నారని వివరించారు. సంక్షేమంతోపాటు అభివృద్ధి పనులు చేపట్టే సత్తా చంద్రబాబుకే ఉందని అనిత చెప్పారు.