చంద్రబాబుపై ఇంటర్మీడియట్‌ విద్యార్థి వీరాభిమానం

ఛాతిపై బొమ్మతో పచ్చబొట్టు వేయించుకున్న విశాఖకు చెందిన కిరణ్‌

పచ్చబొట్టు వేయించుకున్న విద్యార్థి కిరణ్‌తో మాజీ మంత్రి గంటా శ్రీనివాసరావు

ఈనాడు-అమరావతి: సినిమా హీరోలకు, రాజకీయ నేతలకు అభిమానులు ఉండటం సర్వసాధారణమే. పాలాభిషేకాలు, గజమాలలు, ఫ్లెక్సీలు లాంటి ఎన్నో పద్ధతుల్లో నేతలపై తమ అభిమానాన్ని చాటుకుంటారు. విశాఖలోని మధురవాడ వాంబే కాలనీకి చెందిన ఇంటర్మీడియట్‌ విద్యార్థి శ్రావణ్‌ తన ఛాతిపై చంద్రబాబు బొమ్మతో పచ్చబొట్టు వేయించుకొని వీరాభిమానాన్ని చాటుకున్నారు. ‘రాజకీయ రంగంలో అభిమానులు ఛాతిపై పచ్చబొట్టు వేయించుకోవడం ఒక్క చంద్రబాబుకే ఉంటారు. దటీజ్‌ చంద్రబాబు’ అని మాజీ మంత్రి, విశాఖ ఉత్తర ఎమ్మెల్యే గంటా శ్రీనివాసరావు మంగళవారం ట్వీట్‌ చేశారు. ఛాతిపై చంద్రబాబు బొమ్మతో పచ్చబొట్టు వేయించుకున్న శ్రావణ్‌ తనను కలిసిన ఫొటోను కూడా గంటా తన ట్వీట్‌కు జత చేశారు.