అధికారికంగా గురజాడ జయంతి నిర్వహించాలి

ఆచార్య ముర్రు డిమాండ్‌

గురజాడ విగ్రహానికి నివాళుర్పించిన ఆచార్య ముత్యాలనాయుడు తదితరులు

ఎస్‌.రాయవరం, న్యూస్‌టుడే: మహాకవి గురజాడ అప్పారావు జయంతిని ప్రభుత్వం అధికారికంగా నిర్వహించాలని  నన్నయ యూనివర్సిటీ మాజీ వైస్‌ ఛాన్సలర్‌, ఆచార్య ముర్రు ముత్యాలనాయుడు కోరారు. గురజాడ జయంతి సందర్భంగా గురువారం ఇక్కడి కళాక్షేత్రంలోని విగ్రహానికి ముర్రు పూలమాల వేసి నివాళులు అర్పించారు. గురజాడ వంటి మహానుభావుడు ఇక్కడ పుట్టడం అదృష్టమని తెలిపారు. ఆయన రచించిన నాటకాలు, దేశభక్తి గీతాలు ప్రపంచ వ్యాప్తంగా ఆకట్టుకున్నాయని తెలిపారు. గురజాడ ప్రపంచ స్థాయి రచయిత అన్నారు. గురజాడ ఫౌండేషన్‌ అధ్యక్షుడు కర్రి వెంకటేశ్వరరావు, మాజీ సర్పంచి కందుల వెంకటేశ్వరరావు, కొణతాల శ్రీనివాసరావు, లక్కోజు ఆదిమూర్తి తదితరులు పాల్గొన్నారు.