బౌద్ధ స్తూపాలను పరిరక్షించాలి

బొజ్జన్న కొండను సందర్శించిన బుద్ధిస్ట్‌ సొసైటీ సభ్యులు

లక్ష్మీదేవిపేట (అనకాపల్లి), న్యూస్‌టుడే: శంకరం బొజ్జన్న కొండను రాష్ట్ర బుద్ధిస్ట్‌ సొసైటీ సభ్యులు శనివారం సందర్శించారు. సొసైటీ అధ్యక్షులు ఎ.హరిబాబు కొండ పైభాగంలోని ప్రధాన గుహ వద్ద ప్రార్థనలు చేశారు. అనంతరం లింగాల కొండను, పురాతన బౌద్ధ విగ్రహాలను పరిశీలించారు. ఈ సందర్భంగా ఆయన మాట్లాడుతూ కొండ అభివృద్ధికి ఎంపీ చొరవ ఆనందంగా ఉందన్నారు. ఇక్కడ అన్ని రకాల  సౌకర్యాలు కల్పించాలన్నారు. బౌద్ధ విగ్రహాలు, స్తూపాలను పరిరక్షించాలన్నారు. రాష్ట్ర కార్యదర్శి దుర్గారావు, సిద్ధార్థ సోషల్‌ సర్వీసు కల్చరల్‌ అసోసియేషన్‌ అధ్యక్షులు నాగభూషణం, సభ్యులు పాల్గొన్నారు.