logo
Published : 05/12/2021 05:17 IST

మొక్క.. బతకాలి ఎంచక్కా

రెండేళ్ల పాటు పంచాయతీలకు సంరక్షణ బాధ్యతలు


పచ్చతోరణం పథకంలో నాటిన మొక్కలు

విజయనగరం అర్బన్‌, న్యూస్‌టుడే: గ్రామాల్లో మొక్కల్ని పెంచే బాధ్యతలను పంచాయతీలకు అప్పగించారు. ఉపాధి హామీ పథకంలో భాగంగా డ్వామా పర్యవేక్షణలో రెండేళ్లుగా జగనన్న పచ్చతోరణం పథకం కింద మొక్కల్ని పెంచుతున్న సంగతి తెలిసిందే. ఈ ఏడాది నుంచి ఇవి పూర్తిస్థాయిలో బతికేలా సర్పంచులు బాధ్యతలు తీసుకోవాలని, అది 85-90 శాతానికి మించి ఉండాలని ప్రభుత్వం ఆదేశించింది. జిల్లాలో కి.మీ.కు 400 చొప్పున 1117.1 కి.మీ. మేర మొక్కలు నాటారు. వాటి కోసం 1,04,920 ట్రీగార్డులు కేటాయించారు. ఇవి చాలని చోట ప్రత్యామ్నాయంగా వెదురు, గట్టి కర్రలు లేదా ముళ్ల కంచెలు ఏర్పాటు చేసేలా చర్యలు తీసుకున్నారు. రెండేళ్లపాటు వాటి సంరక్షణ బాధ్యతలు చూసేందుకు వేతనదారుల్ని ఎంపిక చేశారు. ప్రతి రెండు వందల మొక్కలకు గ్రామపంచాయతీ ఆమోదంతో ఒక వేతనదారుడ్ని ఎంపిక చేశారు. నెలకు రూ.4 వేలను ఆయన బ్యాంకు ఖాతాలో జమచేస్తారు. వేతనదారులకు వేతనం అందాలంటే వాటిని బతికించాలనే నిబంధనను కూడా ప్రభుత్వం విధించింది. మొక్కలకు నీటి తడుపుల కింద నెలకు ఒకసారి రూ.1700 చెల్లిస్తారు. మొదటి సంవత్సరం ఎనిమిదినెలలు, రెండో ఏడాది 12 నెలలు చెల్లిస్తారు. ఏడాదికి 30 సార్లు తడులు పెట్టాలి. ఈ మొత్తాన్ని మెటీరియల్‌ కాంపోనెంట్‌ రూపంలో చెల్లిస్తారు.

పర్యవేక్షిస్తున్నాం: ఈ ఏడాది ఆరడుగులు దాటిన మొక్కలే నాటాం. పశువులు తినేందుకు వీలు లేకపోవడంతో తొందరగా ఇవి ఎదిగి, ఎక్కువ బతికే అవకాశముంది. గతేడాది 68-70 శాతం మాత్రమే బతికాయి. పంచాయతీల్లో సర్పంచి, గ్రామ కార్యదర్శి, క్షేత్రసహాయకులు, మండల స్థాయిలో ఏపీవో, ఎంపీడీవో, జిల్లాలో జడ్పీ సీఈవో, పంచాయతీ అధికారిణి పర్యవేక్షిస్తారు. ప్రతి మొక్కను బతికించేలా అన్ని స్థాయిల్లో పర్యవేక్షిస్తున్నాం. - ఉమాపరమేశ్వరి, పీడీ, జిల్లా నీటి యాజమాన్య సంస్థ

చేపట్టిన పనులు - 1343

కిలోమీటర్లు- 1117.1

నాటిన మొక్కలు- 4,46,838

వ్యయం - 409.29 (రూ.లక్షల్లో)

ప్రస్తుతం బతికున్నవి: 98.13శాతం

Read latest Vizianagaram News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని