నవరసాల స్వరశాల.. ఘంటసాల

విగ్రహం వద్ద నివాళి అర్పిస్తున్న నాయకులు, ప్రతినిధులు

విజయనగరం కంటోన్మెంట్‌, న్యూస్‌టుడే: నవరసాల స్వరశాల..ఘంటసాల సినీ జగత్తులో మధురగాయకుడిగా ఎంతోమంది అభిమానుల్ని సంపాదించుకున్నారని జనసేన రాష్ట్ర ప్రధాన కార్యదర్శి పాలవలస యశస్వి, ఘంటసాల స్మారక కళాపీఠం వ్యవస్థాపకుడు భీష్మారావు కొనియాడారు. ఆయన జయంత్యుత్సవాన్ని శనివారం గుమ్చీలో ఘనంగా నిర్వహించారు. అమర గాయకుడి విగ్రహానికి పూలమాలలు వేసి, క్షీరాభిషేకం చేశారు. ఆయన స్ఫూర్తిని నేటి గాయకులు అందిపుచ్చుకోవాలన్నారు. కార్యక్రమంలో పి.వి.నర్సింహరాజు, ధవళ సర్వేశ్వరరావు, అబ్బులు, గోపాలరావు, కాపుగంటి ప్రకాష్‌, డాక్టర్‌ వెంకటేశ్వరరావు తదితరులు పాల్గొన్నారు.