11న జాతీయ లోక్‌ అదాలత్‌

విజయనగరం నేర, న్యాయ వార్తా విభాగాలు, న్యూస్‌టుడే: రాజీ మార్గమే రాజమార్గమని, కక్షిదారులంతా కేసుల్ని పరిష్కరించుకోవాలని జిల్లా ప్రధాన న్యాయమూర్తి బి.సాయి కల్యాణ్‌ చక్రవర్తి సూచించారు. ఈ నెల 11న జిల్లావ్యాప్తంగా న్యాయస్థానాల్లో లోక్‌ అదాలత్‌ నిర్వహించనున్నట్లు శనివారం చెప్పారు. ఇప్పటికే వాహన, బ్యాంకు, సివిల్‌, క్రిమినల్‌ కేసులకు సంబంధించి ఆయా శాఖల అధికారులతో సమీక్షించినట్లు పేర్కొన్నారు. ఈ అవకాశాన్ని జిల్లా ప్రజలు అందరూ వినియోగించుకోవాలని కోరారు. సీనియర్‌ సివిల్‌ జడ్జి వి.లక్ష్మీరాజ్యం తదితరులు పాల్గొన్నారు.