బలిజిపేటలో తెదేపా గౌరవ సభ

బలిజిపేట : అసెంబ్లీలో మహిళల గురించి అనుచితంగా మాట్లాడిన వైకాపా నాయకుల తీరును నిరసిస్తూ బలిజిపేటలో తెదేపా ఆధ్వర్యంలో గౌరవ సభ నిర్వహించారు. బస్టాండు ఆవరణలో ఉన్న ఎన్టీఆర్‌ విగ్రహానికి మాజీ ఎమ్మెల్యే, తెదేపా పార్వతీపురం ఇన్‌ఛార్జ్‌ బొబ్బిలి చిరంజీవులు పూలమాల వేసి నివాళులర్పించారు. అనంతరం బస్టాండ్ కూడలి వద్ద రహదారిపై గౌరవ సభ నిర్వహించారు. కార్యక్రమంలో తెదేపా జిల్లా ఉపాధ్యక్షుడు జి.వెంకటనాయుడు, బలిజిపేట మండలాధ్యక్షుడు వేణుగోపాల నాయుడు, అరకు పార్లమెంటు కార్యదర్శి అప్పారావు, వి.రామకృష్ణ, ఎ.వెంకట రమణ, రాధాకృష్ణ తదితరులు పాల్గొన్నారు.