పేదలకు వితరణ

పణుకువలసలో వస్త్రాలు ఇస్తున్న దాతలు

బలిజిపేట, బలిజిపేటగ్రామీణం, సీతానగరం, రామభద్రపురం, తెర్లాం, పాచిపెంట, న్యూస్‌టుడే: బలిజిపేట మండలంలోని పణుకువలసలో బంకపల్లి సింహాచలం నాయుడు, త్రినాథనాయుడు ఆధ్వర్యంలో 250 మందికి దుప్పట్లు, చీరలు పంపిణీ చేశారు. బలిజిపేటలో పెరికబలిజ కార్పొరేషన్‌ డైరెక్టరు ఎన్‌.శ్రీనివాసరావు, జడ్పీటీసీ సభ్యుడు రవికుమార్‌, సత్యసాయి సేవాసమితి కన్వీనరు సుబ్బారావు దుప్పట్లు, చీరలు అందజేశారు. ● సీతానగరం మండలం పెదంకలాం సర్పంచి బి.శ్రీనివాసరావు వంద కుటుంబాలకు చీరలు, దుప్పట్లు ఇచ్చారు. ● రామభద్రపురానికి చెందిన విశ్రాంత ఉపాధ్యాయుడు తూముల దాలినాయుడు రూ.లక్ష విలువైన దుప్పట్లు, పంచెలు, చీరలు, పండ్లు వితరణ చేశారు. ● పాచిపెంట గ్రామానికి చెందిన బిలివాడు ధర్మారావు, కన్నతల్లి ఛారిటబుల్‌ ట్రస్టు ఆధ్వర్యంలో 30 మందికి రగ్గులు, చీరలు అందజేశారు.