20న కలెక్టరేట్‌ ముట్టడి

సంఘీభావం తెలుపుతున్న ఫ్యాప్టో నాయకులు

విద్యావిభాగం, న్యూస్‌టుడే: ప్రభుత్వం ఇటీవల ప్రకటించిన పీఆర్సీ ఫిట్‌మెంట్‌పై పునఃపరిశీలన చేయాలని ఎమ్మెల్సీ పాకలపాటి రఘువర్మ డిమాండు చేశారు. సోమవారం ఏపీటీఎఫ్‌-257 కార్యాలయంలో నిర్వహించిన ఫ్యాప్టో సమావేశంలో ఆయన మాట్లాడారు. హెచ్‌ఆర్‌ఏ శ్లాబులను యథావిధిగా కొనసాగించాలని, అశుతోష్‌మిశ్రా నివేదికను బహిర్గతం చేయాలని కోరారు. ఆయా డిమాండ్ల పరిష్కారానికి ఈ నెల 20న ఫ్యాప్టో ఆధ్వర్యంలో కలెక్టరేట్‌ను ముట్టడించనున్నామని, కార్యక్రమాన్ని విజయవంతం చేయాలని పిలుపునిచ్చారు. సమావేశంలో నాయకులు టి.సన్యాసిరాజు, డి.రాము, రమేష్‌చంద్ర పట్నాయక్‌, డి.ఈశ్వరరావు, డి.శ్యామ్‌, ఎన్‌.వి.పైడిరాజు తదితరులు పాల్గొన్నారు.