సైబర్‌ నేరాలను సవాల్‌గా తీసుకోండి: డీజీపీ

దూరదృశ్య సమావేశంలో మాట్లాడుతున్న గౌతం సవాంగ్‌

నేరవార్తా విభాగం, న్యూస్‌టుడే: రాష్ట్రంలో రోజురోజుకూ సైబర్‌ నేరాలు పెరుగుతున్నాయని, ఆయా కేసులను సవాల్‌గా తీసుకోవాలని డీజీపీ గౌతం సవాంగ్‌ ఆదేశించారు. సైబర్‌ నేరాల నియంత్రణపై స్థానిక పోలీసు శిక్షణ కళాశాలలో విజయనగరం, విశాఖ, తూర్పుగోదావరి, శ్రీకాకుళం జిల్లాలకు చెందిన 100 మందికి రెండు రోజుల ప్రత్యేక శిక్షణ కార్యక్రమాన్ని ఆయన సోమవారం ఆన్‌లైన్‌ ద్వారా ప్రారంభించారు. సైబర్‌ కేసులను ఛేదించే నిపుణులుగా వీరిని తీర్చిదిద్దనున్నామన్నారు. నైపుణ్యాలను పెంపొందించుకోవాలని కోరారు. ఎస్పీ దీపిక ఎం.పాటిల్‌, పీటీసీ ఉప ప్రధానాచార్యులు వెంకట అప్పారావు పాల్గొన్నారు.