ఎన్టీఆర్‌కు తెదేపా నాయకుల నివాళి

బలిజిపేట: తెదేపా వ్యవస్థాపకులు, మాజీ ముఖ్యమంత్రి దివంగత ఎన్టీరామారావు వర్ధంతి కార్యక్రమాన్ని బలిజిపేటలో తెదేపా నాయకులు మంగళవారం నిర్వహించారు. బస్టాండుకు సమీపంలో ఉన్న ఎన్టీఆర్‌ విగ్రహానికి పార్టీ అధ్యక్షులు పెంకి వేణుగోపాలనాయుడు, రాష్ట్ర నాయకులు మండల పెదపాపినాయుడు, రాము, ఎం.అప్పారావు పూలమాల వేసి నివాళులర్పించారు. 

మరోవైపు కరోనా లక్షణాలతో బాధపడుతున్న తెదేపా అధినేత చంద్రబాబునాయుడు, లోకేశ్‌ త్వరగా కోలుకోవాలంటూ స్థానిక ఆంజనేయస్వామి ఆలయం వద్ద వంద కొబ్బరికాయలు కొట్టి తెదేపా నాయకులు పూజలు చేశారు. కార్యక్రమంలో అరకు పార్లమెంట్‌ కార్యదర్శి ఎం.అప్పారావు, వి.రామకృష్ణ, బంకపల్లి సింహాచలంనాయుడు, అలమండ వెంకటరమణ, ప్రసాదరావు, భాస్కరరావు పాల్గొన్నారు.