త్వరితగతిన జల్‌జీవన్‌ మిషన్‌ పనులు

సమీక్షిస్తున్న ఛైర్మన్‌ శ్రీనివాసరావు

విజయనగరం అర్బన్‌, న్యూస్‌టుడే: జిల్లాలో జలజీవన్‌ మిషన్‌ పనులను త్వరితగతిన పూర్తిచేయాలని జడ్పీ ఛైర్మన్‌ మజ్జి శ్రీనివాసరావు ఆదేశించారు. బుధవారం తన ఛాంబర్లో గ్రామీణ నీటిసరఫరా విభాగం ఇంజినీరింగ్‌ అధికారులతో ఆయన సమీక్షించారు. వెంటనే టెండర్లు పిలిచి, పనులు ప్రారంభించేలా చర్యలు చేపట్టాలన్నారు. సాలూరు, వేపాడ, మక్కువ, గుర్ల, మెరకముడిదాం, పార్వతీపురం మండలాల్లో తాగునీటి సమస్యలపై తక్షణం తీసుకోవాల్సిన చర్యలపై అధికారులకు సూచనలు చేశారు. ఆర్‌డబ్ల్యూఎస్‌ ఎస్‌ఈ కె.శివానందకుమార్‌, జడ్పీ సీఈవో టి.వెంకటేశ్వరరావు, ఉప సీఈవో కె.రామచంద్రరావు, డీఈఈలు పాల్గొన్నారు.