విద్యతో పాటు ఉద్యోగావకాశాలు

విద్యావిభాగం, న్యూస్‌టుడే: జేఎన్‌టీయూ- గురజాడ విశ్వవిద్యాలయం ఏర్పాటుతో ఈ ప్రాంత విద్యార్థులకు మంచి ప్యాకేజీలతో కూడిన ఉద్యోగ అవకాశాలు లభిస్తాయని జేఎన్‌టీయూ కళాశాల ప్రధానాచార్యులు జి.స్వామినాయుడు చెప్పారు. బుధవారం కళాశాలలో నిర్వహించిన విలేకర్ల సమావేశంలో ఆయన మాట్లాడారు. పెద్ద కంపెనీలు రానుండడంతో సగటు ప్యాకేజీ పెరిగే అవకాశముందన్నారు. ఉపకులపతితో పాటు అవసరమైన బోధకులు, సిబ్బంది నియామకం జరిగి విద్యార్థులకు నాణ్యమైన విద్య అందుతుందని పేర్కొన్నారు. ఈసీఈ విభాగాధిపతి కోట చంద్రభూషణరావు, ఈసీసీ, ఐటీ, సీఎస్‌ఈ ఆచార్యులు బాబులు, జి.జయసుమ, డి.రాజ్యలక్ష్మి తదితరులు పాల్గొన్నారు.