అటవీ అధికారుల ఔదార్యం

నగదు అందిస్తున్న డీఎఫ్‌వో వెంకటేష్‌

కొమరాడ, న్యూస్‌టుడే: ఇటీవల ఏనుగుల దాడిలో ట్రాకర్‌ నిమ్మక రాజబాబు మరణించడం అటవీ శాఖలో తీవ్ర విషాదాన్ని నింపిందని జిల్లా అటవీశాఖాధికారి ఎస్‌.వెంకటేష్‌ అన్నారు. బుధవారం విజయనగరంలో జరిగిన శ్రీకాకుళం, విజయనగరం జిల్లాలకు చెందిన అటవీ అధికారుల సమీక్షలో ఆయన పాల్గొని మాట్లాడారు. ఈ సందర్భంగా పార్వతీపురం, కురుపాం డివిజన్ల పరిధిలోని అధికారులు, సిబ్బంది సేకరించిన రూ.70 వేల విరాళాన్ని బాధిత కుటుంబానికి అందించారు. పార్వతీపురం సబ్‌ డీఎఫ్‌వో రాజారావు, రేంజ్‌ అధికారి త్రినాథరావు తదితరులు పాల్గొన్నారు.