కల్లాల్లోనే ధాన్యం నిల్వలు

బలిజిపేట: మండలంలో 20 చోట్ల వ్యవసాయ, రెవెన్యూశాఖల అధికారులు ధాన్యం కొనుగోలు కేంద్రాలను ప్రారంభించినప్పటికీ.. సంచులు, సామగ్రి అందుబాటులో లేకపోవడంతో రైతులు ఇబ్బందులు పడుతున్నారు. రైతులు పండించిన ధాన్యాన్ని ఎక్కడికి తరలించాలో తెలియక ఎక్కువ మంది రైతులు బస్తాల్లో ఎక్కించి ధాన్యాన్ని కల్లాల్లోనే నిల్వ చేశారు. అధికారులు చొరవ చూపించి వీటిని వెంటనే రైతు భరోసా కేంద్రాల ద్వారా రైసుమిల్లులకు తరలించాలని రైతులు అభ్యర్థిస్తున్నారు. ఈ అంశంపై పౌరసరఫరాలశాఖ ఉప తహసీల్దారు రమేశ్‌ను ‘న్యూస్‌టుడే’ వివరణ కోరగా, ఈ కేంద్రాలను రైతులకు అందుబాటులో ఉంచుతామన్నారు.