అభివృద్ధి పనులు శిలాఫలకానికే పరిమితం

బలిజిపేట: మహాత్మాగాంధీ జాతీయ ఉపాధి హామీ పథకం పరిధిలో వివిధ అభివృద్ధి పనులకు అవసరమైన నిధులు మంజూరు కాకపోవడంతో ఈ పనులు శిలాఫలకాలకే పరిమితమవుతున్నాయి. ఇందుకు బలిజిపేట-వంతరాం కూడలి నుంచి పెదపెంకి గ్రామం వరకు నిర్మించాల్సిన తారురోడ్డు శిలాఫలకమే నిదర్శనంగా మిగిలింది. ఈ పనులను పూర్తిచేసేందుకు రూ.కోటి 72లక్షల ఉపాధి నిధులకు ఎస్టిమేట్‌ వేయగా, గతేడాది మార్చి నెల 26న ఎమ్మెల్యే అలజంగి జోగారావు శంకుస్థాపన చేశారు. నాటినుంచి నేటివరకు కేంద్రప్రభుత్వం ఈ పనులకు నిధులు మంజూరు చేయనందున శంకుస్థాపన వద్దే పనులు నిలిచిపోయాయి. ఈ విషయంపై పంచాయతీరాజ్‌శాఖ ప్రాజెక్టు డీఈఈ రమణ మోహన్‌ను ‘న్యూస్‌టుడే’ వివరణ కోరగా.. బడ్జెట్‌ రానందున ఈ పనులు చేపట్టలేకపోయాయని, నిధులు వచ్చిన వెంటనే పనులు ప్రారంభిస్తామని పేర్కొన్నారు.