వాడవాడలా గణతంత్ర వేడుకలు

బలిజిపేట: బలిజిపేట మండలంలోని అన్ని ప్రభుత్వ కార్యాలయాల్లో 73వ గణతంత్ర వేడుకలను ఘనంగా నిర్వహించారు. పోలీసు స్టేషన్‌లో ఎస్సై పాపారావు, మండల పరిషత్‌ కార్యాలయంలో ఎంపీడీవో త్రినాథరావు, ప్రభుత్వ ఆరోగ్య కేంద్రంలో ఎంపీపీ నాగమణి, తహసీల్దారు కార్యాలయంలో వరప్రసాద్‌, చిలకలపల్లి విద్యుత్‌శాఖ కార్యాలయంలో ఏఈ సింహాచలం జెండా ఎగురవేశారు. అనంతరం జాతీయగీతం ఆలపించిన విద్యార్థులకు బహుమతులు, మిఠాయిలు అందజేశారు. కార్యక్రమంలో జడ్పీటీసీ సభ్యులు రవికుమార్‌, మండలపరిషత్‌ ఉపాధ్యక్షులు హేమలత, సాయిరామ్‌ పాల్గొన్నారు.