ఆర్టీవోనంటూ అక్రమ వసూళ్లు

పూసపాటిరేగ: ఆర్టీవో అధికారులమంటూ వసూళ్లకు పాల్పడుతున్న ఇద్దరు వ్యక్తులను అరెస్టు చేసినట్లు ఎస్సై జయంతి బుధవారం తెలిపారు. ఆర్టీవో కార్యాలయంలో లైసెన్స్‌ బ్రోకర్లుగా పనిచేస్తున్న ప్రవీణ్‌ ఆర్టీవోగా, మనోజ్‌ అతని వాహన చోదకుడి అవతారమెత్తారు. చాలా రోజులుగా వాహన చోదకుల నుంచి డబ్బులు వసూలు చేస్తున్నారు. బుధవారం కుమిలిలో అనుమానాస్పదంగా తిరుగుతుండడంతో హెడ్‌ కానిస్టేబుల్‌ లక్ష్మణరావు, కానిస్టేబుల్‌ వాసు పట్టుకున్నారు. వారిన ుంచి సరైన సమాధానం రాకపోవడంతో స్టేషన్‌కు తరలించారు. కారును స్వాధీనం చేసుకొని, కేసు నమోదు చేసినట్లు ఎస్సై చెప్పారు.