‘ఎన్ని కుయుక్తులు పన్నినా జగన్‌ను నమ్మరు’

మాట్లాడుతున్న కళా వెంకటరావు

రాజాం, న్యూస్‌టుడే: ఎన్నికలు దగ్గర పడ్డాయనే ప్రభుత్వం హడావుడి మొదలు పెట్టిందని, ఎన్ని కుయుక్తులు పన్నినా ముఖ్యమంత్రి వైఎస్‌ జగన్‌మోహన్‌రెడ్డిని జనం మళ్లీ నమ్మరని తెదేపా పొలిట్‌బ్యూరో సభ్యుడు కిమిడి కళావెంకటరావు ధ్వజమెత్తారు. రాజాంలో ఆయన గురువారం విలేకరుల సమావేశంలో మాట్లాడారు. మంత్రులు తలపెట్టిన బస్సు యాత్ర పెద్ద బోగస్‌ అని ఎద్దేవా చేశారు. డబ్బా కొట్టుకోవడానికే దీన్ని చేపడుతున్నారని విమర్శించారు. రాష్ట్రంలో శాంతిభద్రతలు కొరవడ్డాయని, సామాజిక మాధ్యమాల్లో పోస్టులు పెడితే కేసులు పెడుతున్నారని ఆందోళన వ్యక్తం చేశారు. రైతుల పరిస్థితి దయనీయంగా మారిందని, పంటలను మద్దతు ధరకు కొనుగోలు చేసే పరిస్థితి రాష్ట్రంలో లేదని ఆవేదన వ్యక్తం చేశారు.