మూడు రాజధానులకు సహకరించాలి

బొండపల్లి : రాష్ట్రంలో అన్ని ప్రాంతాల సమగ్రాభివృద్ధికి మూడు రాజధానులు ఏర్పాటు కావాలని ఎమ్మెల్యే బొత్స అప్పల నరసయ్య అన్నారు. విజయ దశమి పండగ సందర్భంగా గొట్లాం గ్రామంలోని బంగారమ్మ ప్రత్యేక పూజలు నిర్వహించారు. ఈ సందర్భంగా ఆయన మాట్లాడుతూ కొందరు ధనార్జనే ధ్యేయంగా దురుద్దేశంతో ఒక ప్రాంతం అభివృద్ధిని కోరుతున్నారని విమర్శించారు. అలాంటి వారి మనసు మార్చాలని అమ్మవారిని ప్రార్థించినట్లు తెలిపారు. ఈ కార్యక్రమంలో ఎమ్మెల్సీ పి.సురేశ్‌బాబు, ఎంపీపీ చల్లా చల్లమనాయుడు, జడ్పీటీసీ సభ్యుడు సూర్యప్రకాశ్‌రావు, మండల వైకాపా కన్వీనర్‌ ఈదిబెల్లి కృష్ణ, జిల్లా నాయకులు ఎం.తులసి, రమణ, చిన్నమనాయుడు తదితరులు పాల్గొన్నారు.