విభిన్న ప్రతిభ గొప్ప వరం

షాట్‌ఫుట్‌ పోటీలను తిలకిస్తున్న జడ్పీ ఛైర్మన్‌ శ్రీనివాసరావు

విజయనగరం క్రీడలు, న్యూస్‌టుడే: విభిన్న ప్రతిభావంతులకు ఉండే నైపుణ్యాలు వారికి గొప్ప వరమని జడ్పీ ఛైర్మన్‌ మజ్జి శ్రీనివాసరావు అన్నారు. డిసెంబరు 3న జరగనున్న విభిన్న ప్రతిభావంతుల దినోత్సవాన్ని పురస్కరించుకుని ఆ శాఖ ఆధ్వర్యంలో శుక్రవారం రాజీవ్‌ మైదానంలో జిల్లాస్థాయి అథ్లెటిక్స్‌ పోటీలు నిర్వహించారు. ఆయన మాట్లాడుతూ.. జీవితంలో ఎప్పుడూ వెనకడుగు వేయొద్దని, ధైర్యంగా ముందుకెళ్లాలని సూచించారు. అంతకుముందు జాతీయ జెండాను ఎగురవేసి పోటీలను ప్రారంభించారు. జేసీ మయూర్‌అశోక్‌, డిప్యూటీ మేయర్‌ కోలగట్ల శ్రావణి, విభిన్న ప్రతిభావంతుల శాఖ సహాయ సంచాలకుడు జగదీష్‌, యువజన సర్వీసుల శాఖ సీఈవో బి.రామానందం, క్రీడాశాఖ ముఖ్య శిక్షకుడు అప్పలనాయుడు తదితరులు పాల్గొన్నారు.