స్వేచ్ఛ, సమానత్వానికి అంబేడ్కర్‌ కృషి

ర్యాలీలో పాల్గొన్న ఎస్సీ కమిషన్‌ ఛైర్మన్‌ విక్టర్‌ ప్రసాద్‌, నాయకులు

చీపురుపల్లి, న్యూస్‌టుడే: దేశప్రజల స్వేచ్ఛ, సమానత్వానికి అంబేడ్కర్‌ ఎనలేని కృషి చేశారని రాష్ట్ర ఎస్సీ కమిషన్‌ ఛైర్మన్‌ మారుమూడి విక్టర్‌ ప్రసాద్‌ అన్నారు. రాజ్యాంగ దినోత్సవాన్ని పురస్కరించుకుని సమతా సైనిక్‌ దళ్‌ ఆధ్వర్యంలో చీపురుపల్లిలో నీలి కవాత్‌ కార్యక్రమాన్ని నిర్వహించారు. అంబేడ్కర్‌ విగ్రహానికి పూలమాలలు వేశారు.ఉత్తరాంధ్ర బహిరంగ సభలో ఆయన మాట్లాడుతూ ఎస్సీ, ఎస్టీలతో పాటు బీసీల అభ్యున్నతికి రిజర్వేషన్లు కల్పించారని, మహిళల ఉద్ధరణకు కృషి చేశారని చెప్పారు. ఆర్డీవో ఎం.అప్పారావు, మత్స్య శాఖ డీడీ నిర్మలాకుమారి, రాష్ట్ర ఎస్సీ కమిషన్‌ సభ్యురాలు జయమణి, సమతా సైనిక్‌ దళ్‌ దక్షిణ భారత ఉపాధ్యక్షుడు రేంజర్ల రాజేష్‌, రాష్ట్ర అధ్యక్షుడు పాలేటి మహేశ్వరరావు, జిల్లా అధ్యక్షుడు సిమ్మాల దుర్గాప్రసాద్‌, ఉత్తరాంధ్ర సలహాదారు కింతాడ రవి విజయప్రసాద్‌ తదితరులు పాల్గొన్నారు.