పది గ్రామాలకు బస్సు

పాలకొండ మండల కేంద్రానికి శివారునున్న గ్రామీణ ప్రాంత విద్యార్థుల రవాణా కష్టాలు ఎట్టకేలకు తొలగాయి. ఆయా ప్రాంతాలమీదుగా బస్సు నడిపేందుకు అధికారులు చర్యలు తీసుకున్నారు. గతంలో పాలకొండ నుంచి ఎం.సింగుపురం గ్రామానికి ఆర్టీసీ సర్వీసు నడిచేది. ఏడాది క్రితం దీన్ని రద్దు చేశారు. దీంతో ఎం.సింగుపురం, పొట్లి, బడ్డుమాసింగి, జంపరకోట, ఆర్‌బీఆర్‌.పేట, నవగాం, మల్లివీడు, అవలంగి, వంతవాడ గ్రామాలకు చెందిన విద్యార్థులు ఆటోలు, సైకిళ్లతో పట్టణానికి రాకపోకలు సాగించేవారు. ఈ సమస్యపై ‘ఈనాడు’లో ఈనెల 17న ‘విద్యార్థుల పాట్లు’ శీర్షికన ప్రచురితమైన వార్తకు డిపో మేనేజర్‌ ఎం.వెంకటేశ్వరరావు స్పందించారు. బస్సును పునరుద్ధరించామని, రోజూ మూడు సార్లు తిరుగుతుందని చెప్పారు.

న్యూస్‌టుడే, పాలకొండ గ్రామీణం