తెలుగు గొప్పదనాన్ని చాటిన వేమన

నివాళులర్పిస్తున్న జడ్పీ ఛైర్మన్‌ శ్రీనివాసరావు, అధికారులు

కలెక్టరేట్‌, విజయనగరం అర్బన్‌, న్యూస్‌టుడే: తెలుగు భాష గొప్పదనాన్ని ప్రపంచానికి చాటిన మహోన్నత వ్యక్తి యోగి వేమన అని కలెక్టర్‌ ఎ.సూర్యకుమారి పేర్కొన్నారు. ఆయన జయంతిని కలెక్టరేట్‌లో గురువారం నిర్వహించారు. తొలుత వేమన చిత్రపటానికి పూలమాలలు వేసి నివాళులు అర్పించారు. నేటితరం పిల్లలకు ఆయన పద్యాలు తప్పకుండా నేర్పించాలని, దీనిపై పాఠశాలలకు మార్గదర్శకాలు జారీ చేయాలని డీఈవోను ఆదేశించారు. అనంతరం పద్య పఠన పోటీల విజేతలకు బహుమతులు అందజేశారు. డీఆర్వో గణపతిరావు, వివిధ విభాగాల అధికారులు పాల్గొన్నారు.

* జడ్పీలో యోగి వేమన చిత్రపటానికి జడ్పీ ఛైర్మన్‌ మజ్జి శ్రీనివాసరావు పూలమాల వేసి నివాళులర్పించారు. సీఈవో ఎ.అశోక్‌కుమార్‌, ఉప సీఈవో కె.రాజ్‌కుమార్‌, జిల్లా పంచాయతీ అధికారిణి నిర్మలాదేవి పాల్గొన్నారు.