పురుగు మందు తాగి యువకుడి ఆత్మహత్య

గంట్యాడ, న్యూస్‌టుడే: ఇంట్లో నగదు వాడుకున్నాననే మనస్తాపంతో ఓ యువకుడు ఆత్మహత్య చేసుకున్న ఘటన మండలంలో చోటుచేసుకుంది. ఎస్సై కిరణ్‌కుమార్‌నాయుడు తెలిపిన వివరాల ప్రకారం.. మధుపాడ గ్రామానికి చెందిన నొట్ల శంకరరావు(32) ఈ నెల 28న స్థానిక పొలంలో అపస్మారక స్థితికి పడి ఉండగా కుటుంబ సభ్యులు గమనించి ఎస్‌.కోట ప్రభుత్వ ఆసుపత్రికి తరలించారు. పరిస్థితి విషమంగా ఉండడంతో మెరుగైన వైద్యం నిమిత్తం విశాఖ కేజీహెచ్‌కు రిఫర్‌ చేశారు. అయితే జిల్లాకేంద్రంలోని ఓ ప్రయివేటు ఆసుపత్రికి తరలించగా అక్కడ చికిత్స పొందుతూ సోమవారం సాయంత్రం మృతి చెందాడు. ఇంట్లో ఉంచిన రూ.40 వేలను తమకు తెలియకుండా వాడుకున్నాడని, ఈ నేపథ్యంలో మనస్తాపానికి గురై పురుగు మందు తాగి ఆత్మహత్య చేసుకున్నాడని అతని తండ్రి సూరిబాబు పోలీసులకు ఫిర్యాదు చేశారు. ఈ మేరకు కేసు నమోద చేసిన దర్యాప్తు చేస్తున్నట్లు ఎస్సై చెప్పారు.