కిసాన్‌ మేళాలతో పాడి పరిశ్రమకు మేలు

మాట్లాడుతున్న విస్తరణ సంచాలకుడు వెంకట నాయుడు

గరివిడి, న్యూస్‌టుడే: రైతులకు శాస్త్రీయ విజ్ఞానాన్ని అందించి పాడి పరిశ్రమను లాభదాయకంగా మార్చేందుకే తిరుపతి శ్రీవేంకటేశ్వర పశు వైద్య విశ్వవిద్యాలయం (ఎస్‌వీవీయూ) కిసాన్‌ మేళాలు నిర్వహిస్తున్నట్లు ఆ వర్సిటీ విస్తరణ సంచాలకుడు గుంట్రెడ్డి వెంకటనాయుడు అన్నారు. గరివిడి పశువైద్య కళాశాలలో జిల్లాస్థాయి కిసాన్‌ మేళా నిర్వహించారు. రైతులకు ఆధునిక సాంకేతిక సమాచారాన్ని చేరువ చేసేందుకు ఇటువంటి మేళాలు ఉపయోగపడతాయన్నారు. అధిక పాల దిగుబడికి పాటించాల్సిన మెలకువలు, పునరుత్పత్తి సమస్యలు, నివారణ చర్యలను రైతులకు వివరించారు. పశు సంవర్ధక శాఖ జిల్లా సంయుక్త సంచాలకుడు వైవీ రమణ, నాబార్డు డీడీఎం టి.నాగార్జున, పశువైద్య కళాశాల అసోసియేట్‌ డీన్‌ ఎం.శ్రీను రైతులతో చర్చాగోష్ఠి నిర్వహించి వారి సందేహాలను నివృత్తి చేశారు.