రీసర్వేలో జిల్లా ప్రథమం

బొబ్బిలి గ్రామీణం, న్యూస్‌టుడే: భూముల రీసర్వేలో విజయనగరం జిల్లా ప్రథమ స్థానంలో ఉందని కేఆర్‌సీ ప్రత్యేక ఉప కలెక్టర్‌ సూర్యనారాయణ తెలిపారు. ఆయన తహసీల్దారు కార్యాలయంలో సర్వే తీరును సిబ్బంది ద్వారా తెలుసుకున్నారు. అనంతరం విలేకరులతో మాట్లాడుతూ సర్వే వేగవంతం చేయడంతో పాటు రైతుల సమస్యలు పరిష్కరించడంలో జిల్లా ముందంజలో ఉందన్నారు. జిల్లాలో 983 గ్రామాలకు గానూ మొదటి విడతలో 179 గ్రామాల్లో సర్వే పూర్తి చేశామన్నారు. రెండో విడతలో 311 గ్రామాల్లో జరుగుతోందని, ఎక్కువ గ్రామాల్లో సర్వే చేయడంలో ద్వితీయ స్థానంలో ఉందన్నారు. ఏప్రిల్‌ చివరినాటికి పూర్తి చేస్తామని వివరించారు.