పోలీసులకు రుణ సౌకర్యం

ఉపకారవేతనాలు అందిస్తున్న ఎస్పీ

నేరవార్తా విభాగం, న్యూస్‌టుడే: పోలీసుల అభివృద్ధి, సంక్షేమంలో భాగంగా వారి అవసరాలకు తక్కువ వడ్డీకే రుణ సౌకర్యం కల్పిస్తున్నామని ఎస్పీ దీపిక ఎం.పాటిల్‌ తెలిపారు. కో-ఆపరేటివ్‌ క్రెడిట్‌ సొసైటీ సర్వసభ్య సమావేశాన్ని నిర్వహించారు. ఆమె మాట్లాడుతూ సభ్యుల అంగీకారంతో వ్యక్తిగత, పిల్లల చదువు, పెళ్లికి అవసరమైన రుణాలు ఇస్తారన్నారు. అనంతరం పది, ఇంటర్మీడియట్‌లో ప్రతిభ కనబర్చిన సొసైటీ సభ్యుల పిల్లలకు రూ.41,500 ఉపకారవేతనాలు అందజేశారు. ఏఆర్‌ అదనపు ఎస్పీ సోల్మన్‌, ఏఆర్‌ డీఎస్పీ ఎల్‌.శేషాద్రి, ఎస్‌బీ సీఐలు రుద్రశేఖర్‌, ఆర్‌ఐలు బి.రమణమూర్తి, టీవీఆర్‌కే కుమార్‌, సొసైటీ కార్యదర్శి నీలకంఠం, పోలీసు అధికారుల సంక్షేమ సంఘం అడహక్‌ అధ్యక్షుడు కె.శ్రీనివాసరావు, సభ్యులు, హోంగార్డుల సొసైటీ కార్యదర్శి సుశీల పాల్గొన్నారు.