వైభవం.. భీమసింగి వెంకన్న కల్యాణం

జామి, న్యూస్‌టుడే: భీమసింగి సహకార చక్కెర కర్మాగారంలోని వేంకటేశ్వరాలయ బ్రహ్మోత్సవాల్లో భాగంగా బుధవారం రాత్రి సింహాచలం దేవస్థాన వేద పండితుల ఆధ్వర్యంలో స్వామివారి కల్యాణం అంగరంగ వైభవంగా నిర్వహించారు. తొలుత స్వామి, అమ్మవార్లకు మేలుకొలుపు కార్యక్రమం చేశారు. అనంతరం కల్యాణ క్రతువులో జీలకర్ర- బెల్లం, తలంబ్రాలు, మంగళ సూత్రధారణ వంటివి జరిపించారు. కర్మాగార ఎండీ విక్టర్‌రాజు, గజపతినగరం ఎమ్మెల్యే బొత్స అప్పలనరసయ్య భార్య దేవి అనూరాధ, జామి జడ్పీటీసీ సభ్యురాలు గొర్లె సరయు, ఎంపీపీ అరుణ, భక్తులు అధిక సంఖ్యలో పాల్గొన్నారు.