నేడు రైతులకు ట్రాక్టర్ల పంపిణీ

విజయనగరం వ్యవసాయవిభాగం, పార్వతీపురం పట్టణం, న్యూస్‌టుడే: వైఎస్సార్‌ యంత్రసేవా పథకంలో భాగంగా శుక్రవారం ఉమ్మడి జిల్లాలోని రైతులకు ట్రాక్టర్లు, ఇతర పరికరాలు ఇవ్వనున్నారు. విజయనగరం జిల్లాకు సంబంధించి కోట ప్రాంతంలో వ్యవసాయశాఖ ఏర్పాట్లు చేస్తోంది. గురువారం సాయంత్రం అయోధ్య మైదానానికి వాహనాలు చేరుకున్నాయి. జిల్లాలోని 184 రైతు సంఘాలకు రూ.15.20 కోట్ల విలువైన రోటోవేటర్లు, నూర్పిడి యంత్రాలు, స్ప్రేయర్లు, పవర్‌వీడర్లు, వరికోత యంత్రాలు, ట్రాక్టర్లు, వాటితో నడిపే యంత్ర పరికరాలు ఇస్తారు. వాటిపై రూ.4.54 కోట్ల రాయితీ వర్తించనుంది. ఈ నిధులన్నీ సంబంధిత లబ్ధిదారుల ఖాతాల్లో జమకానున్నాయి. మంత్రి బొత్స సత్యనారాయణ, జిల్లా అధికారులు హాజరు కానున్నారు. రి మన్యం జిల్లాలో 78 సంఘాలకు ఇవ్వనున్నట్లు వ్యవసాయాధికారి రాబర్ట్‌పాల్‌ చెప్పారు. ఒక్కో యూనిట్‌ విలువ రూ.15 లక్షలు ఉంటుందని, అందులో 40 శాతం రాయితీ, 50 శాతం బ్యాంకు రుణం, మరో 10 శాతం నిధులు గ్రూపు సభ్యులు చెల్లించాలన్నారు.