విత్తన దుకాణాలపై పోలీసుల దాడులు

నర్సంపేట: నర్సంపేట ఏసీపీ సంపత్‌రావు, సీఐ రమేశ్‌ ఆధ్వర్యంలో వ్యవసాయ శాఖ అధికారులు, సిబ్బంది నర్సంపేటలోని విత్తన దుకాణాలపై శుక్రవారం దాడులు చేశారు. ఈ సందర్భంగా దుకాణాల్లోని అన్ని రకాల విత్తనాలను తనిఖీ చేశారు. నిల్వలు, అమ్మకాల వివరాలను పరిశీలించారు. అనుమతిలేని నాసిరకం విత్తనాలను విక్రయిస్తే చట్టరీత్యా చర్యలు తప్పవని ఏసీపీ సంపత్‌రావు హెచ్చరించారు. విత్తనాలు విక్రయించిన తర్వాత రసీదులు ఇవ్వాలని, వాటిపై విత్తనాల వివరాలు, బ్యాచ్‌, లాట్‌ నంబర్లు నమోదు చేయాలని, రైతుల నుంచి సంతకాలు తీసుకోవాలని సూచించారు.