ఆర్థిక అవకతవకల్లో నలుగురిపై వేటు?

దేవరుప్పుల(జనగామ జిల్లా), న్యూస్‌టుడే: జనగామ మండలంలోని వెంకిర్యాల పొదుపు సంఘంలో చోటు చేసుకున్న ఆర్థిక అవకతవకల్లో భాగంగా నలుగురు ఉద్యోగులపై వేటు పడినట్లు తెలిసింది. 2016 నుంచి 2021 వరకు ఆర్థిక లావాదేవీల్లో తేేడాలు కనిపించడంతో జిల్లా గ్రామీణాభివృద్ధి శాఖ అధికారులు దశల వారీగా విచారణ జరిపారు. మళ్లీ ఫిర్యాదులు రావడంతో జిల్లా పాలనాధికారి మరోసారి విచారణ జరిపి ఏపీఎం సత్యనారాయణ, క్లస్టర్‌ సీసీ రఘుకుమార్‌ సహా మరో ఇద్దరు సీసీలు సదానందం, యాదగిరిలను బాధ్యులుగా గుర్తించి సస్పెండ్‌ చేసినట్లు సమాచారం. అధికారుల ప్రాథమిక విచారణలో సుమారు రూ.98 లక్షల మేర అవకతవకలు జరిగినట్లు గుర్తించారు.