మన పీవీ.. పదిలం చేద్దాం జ్ఞాపకం

పీవీ స్వగృహాన్ని ప్రదర్శనశాలగా మార్చుతామని చెప్పారు. ఇంటి ముందు పీవీ విగ్రహం, ఆహ్లాదకరంగా పరిసరాలను తీర్చిదిద్దడంతో పాటు ఆయన వినియోగించిన అనేక వస్తువులను మ్యూజియంలో ఏర్పాటు చేయాల్సి ఉంది. ఊర చెరువును ట్యాంకు బండ్‌గా మార్చడంతో పాటు సిమెంటు రహదారులు, మురుగునీటి కాలువలు నిర్మిస్తామన్నారు.

* ప్రభుత్వం ఇప్పటి వరకు పనులు ప్రారంభించలేదు. పీవీ తనయుడు ప్రభాకర్‌ తన సొంత నిధులతో ఇంటికి మరమ్మతులు చేయించారు. పీవీ ఛాయాచిత్రాలను ఏర్పాటు చేశారు.

అసంపూర్తిగా విజ్ఞానవేదిక పార్కు

పీవీ విజ్ఞాన వేదిక పార్కు నిర్మాణానికి ప్రణాళిక రూపొందించారు. పీవీ స్మృతివనంలో ప్రవేశద్వారం, ఫుడ్‌ కోర్టు, గ్యాలరీ, ఆయన జీవిత విశేషాలకు సంబంధించిన చిత్రాలు ఉండేలా రూపకల్పన చేశారు. ధ్యాన కేంద్రం, అంపీ థియేటర్‌, సైన్సు మ్యూజియం, వాటర్‌ ఫౌంటేన్‌, శౌచాలయాలు, లోపల నడకదారులు, పూలవనాలు, చారిత్రక శిల్పాలు, సమరయోధుల చిత్రాలు, కూర్చునేందుకు రాతి బల్లలు, పిల్లల ఆట స్థలం తదితరాలను ఏర్పాటు చేయాలని నిర్ణయించారు.

* గుత్తేదారు ఏడాది కాలంగా ప్రహరీ నిర్మించి.. లోపల స్లాబులు వేసి సరిపెట్టారు.

బాల్యానికి సజీవ సాక్ష్యం

వంగరలో పీవీ ఇంటి ముందు 150 ఏళ్ల వేప చెట్టు పీవీ జ్ఞాపకాలకు సజీవ సాక్ష్యంగా నిలుస్తోంది. పీవీ బాల్యం, యుక్తవయసులో ఈ చెట్టు కిందనే ఆడుకునేవారు.

కారు.. ఠీవీగా

వంగరలోని ఇంటి ముందు ఆవరణలో ఉన్న పీవీ స్వయంగా నడిపిన కారు. ఈ ఫియేట్‌ ఎన్‌ఈ మోడల్‌ కారును 1984లో కేంద్రమంత్రిగా పని చేసిన సమయంలో ఆయన కొనుగోలు చేశారు. ప్రభుత్వ వాహనాలు సొంత పనులకు వాడొద్దని కుటుంబ సభ్యులకు చెప్పేవారని పీవీ తనయ, ఎమ్మెల్సీ వాణిదేవి తెలిపారు.