వరదలతో ఎలాంటి నష్టం రాకూడదు

మాట్లాడుతున్న కలెక్టర్‌ భవేశ్‌మిశ్రా

భూపాలపల్లి కలెక్టరేట్‌, న్యూస్‌టుడే: వరదల వల్ల ప్రజలకు ఎలాంటి నష్టం వాటిల్లకుండా ముందస్తు ఏర్పాట్లు చేయాలని కలెక్టర్‌ భవేశ్‌ మిశ్రా అధికారులను ఆదేశించారు. మంగళవారం భూపాలపల్లి పట్టణంలోని ప్రగతి భవనములో ముందస్తు వరద సహాయక ఏర్పాట్లపై సంబంధిత శాఖల అధికారులతో సమీక్షించారు. ఎస్పీ సురేందర్‌, జేసీ స్వర్ణలత, అదనపు కలెక్టర్‌ దివాకర, డీఆర్డీవో పురుషోత్తం, జడ్పీ సీఈవో శోభారాణి, డీపీవో ఆశాలత, డీఎంహెచ్‌వో శ్రీరామ్‌ తదితరులు పాల్గొన్నారు.