అనువుగాని చోట క్రీడా ప్రాంగణం!

చేపల చెరువు కాదు.. దంతాలపల్లిలోని తెలంగాణ గ్రామీణ క్రీడా ప్రాంగణమిది. స్థానిక పెద్ద చెరువు సమీపంలోనే సుమారు ఎకరం విస్తీర్ణంలో మట్టిపోసి చదును చేసి నెలకొల్పారు. ఇటీవల కురిసిన భారీ వర్షాలకు ఎగువ నుంచి వచ్చిన వరదనీరంతా ఈ మైదానం మీదుగా చెరువులోకి వెళ్లింది. దీంతో ప్రాంగణమంతా చెరువును తలపిస్తోంది. వరదనీరు నిల్వ ఉండే ఇలాంటి ప్రదేశాల్లో ముందు చూపులేకుండా క్రీడా ప్రాంగణాన్ని ఏర్పాటు చేసి ప్రభుత్వ సొమ్మును వృథా చేశారంటూ గ్రామస్థులు మండిపడుతున్నారు. నీట మునిగిన ప్రాంగణంలో ఆటలు ఎలా? అని అధికారులు, పాలకులను ప్రశ్నిస్తున్నారు.

- న్యూస్‌టుడే, దంతాలపల్లి (మరిపెడ)