ఉప్పొంగిన బొగత.. ఆంక్షలతో సందర్శన

రాతికట్టపై నుంచి జలపాతాన్ని వీక్షిస్తున్న పర్యాటకులు

వాజేడు, న్యూస్‌టుడే: మండలంలో ఏకధాటిగా కురుస్తున్న భారీవర్షాలతో బొగత జలపాతం ఉప్పొంగి ప్రవహిస్తోంది. పర్యాటకులు నిలబడే రాతికట్టపై నుంచి వరదనీటి ప్రవాహం వెళ్తుండడంతో రక్షణ సిబ్బంది పర్యాటకులను ఆప్రాంతానికి అనుమతించలేదు. పగోడా చుట్టూ వరదనీరు చేరింది. వరదనీటిలోకి సందర్శకులు ప్రవేశించకుండా అడ్డుకునేందుకు రక్షణ సిబ్బంది ఇబ్బందులకు గురయ్యారు. తాడు కట్టి అడ్డంగా నిలబడి కాపలా కాయాల్సివచ్చింది. ప్రమాదకరంగా ప్రవహిస్తున్న సమాచారం తెలిసినా అటవీశాఖ అధికారులు పరిశీలించిన దాఖలాలు లేవు. సెలవు కావడంతో రాష్ట్రంలోని వివిధ ప్రాంతాల నుంచి పర్యాటకులు భారీగా తరలివచ్చారు. పగోడా సమీపంలోని రాతికట్ట వరకు మాత్రమే వారిని అనుమతించారు.