ఎమ్మెల్యేకు సవాల్‌ విసురుతూ గోడపత్రికలు

శివనగర్‌, కాశీబుగ్గ, న్యూస్‌టుడే: వరంగల్‌ తూర్పు ఎమ్మెల్యే నన్నపునేని నరేందర్‌కు సవాల్‌ విసురుతూ వరంగల్‌ అండర్‌బ్రిడ్జి, రైల్వే, కాశీబుగ్గ ప్రాంతాల్లో గోడపత్రికలు వెలిశాయి. ఇటీవల  నరేందర్‌ తన జన్మదినం సందర్భంగా ఎర్రబెల్లి ప్రదీప్‌రావుపై పరోక్షంగా పరుష పదజాలంతో మాట్లాడారు. ఈ నేపథ్యంలో ఈ నెల 10 లోగా ఎమ్మెల్యే రాజీనామా చేస్తే తాను స్వతంత్ర అభ్యర్థిగా పోటీచేస్తానని, ఓరుగల్లు బిడ్డవైతే సవాల్‌ స్వీకరించాలని ప్రదీప్‌రావు వ్యాఖ్యానించారు. ఆయన వర్గం అదే అంశాన్ని ఇలా ఈ పత్రికలగా ముద్రించి నగరంలో ఆయా ప్రాంతాల్లో అతికించడం కలకలం రేపింది.