పోలీస్‌స్టేషన్‌లో వృద్ధ దంపతుల ఆత్మహత్యాయత్నం

శాయంపేట, న్యూస్‌టుడే: వృద్ధ దంపతులు పోలీసుస్టేషన్‌లో ఆదివారం ఆత్మహత్యాయత్నానికి పాల్పడుతున్న క్రమంలో పోలీసులు అడ్డుకున్నారు. శాయంపేట మండలం పత్తిపాకకు చెందిన కొడిమాల లక్ష్మి దంపతులు,  సర్పంచి చిట్టిరెడ్డి రాజిరెడ్డి  మధ్య  భూవివాదం కొన్నేళ్లుగా కొనసాగుతోంది. వారం రోజుల కిందట వారు గ్రామ సర్పంచిని దూర్భాషలాడడంతో ఆయన పోలీసులకు ఫిర్యాదు చేశారు. పోలీసులు విచారణ నిమిత్తం వారిని పోలీస్‌స్టేషన్‌కు పిలిపించారు. పెట్రోల్‌ సీసాతో వచ్చిన వారు ఒంటిపై పోసుకునేందుకు యత్నిస్తుండగా పోలీసులు అడ్డుకున్నారు. ఈ విషయమై ఎస్సై వీరభద్రరావు వివరణ కోరగా.. సర్పంచి ఫిర్యాదు మేరకే వారిని పిలిచామన్నారు.