సైబర్‌ కేసు నమోదు

ధర్మసాగర్‌, న్యూస్‌టుడే: ఆన్‌లైన్‌ కాల్‌ బెదిరింపులకు భయపడి ఓ వ్యక్తి నగదు మోసపోయిన ఘటన మండలంలోని సోమదేవరపల్లిలో జరిగింది. ఎస్సై ఒంటేరు రమేశ్‌ తెలిపిన  ప్రకారం.. గ్రామానికి చెందిన గండ్రాతి సతీష్‌కు గుర్తు తెలియని వ్యక్తి ఫోన్‌ చేసి తాను సైబర్‌క్రైం నుంచి మాట్లాడుతున్నానంటూ.. నీపై ఆరు ఫిర్యాదులు వచ్చాయని, కేసు నమోదు చేయకూడదంటే డబ్బులు చెల్లించాలని అన్నారు. ఒక్కో కేసుకు రూ.6105 చొప్పున ఇవ్వాలని, లేకుంటే పోలీసులు వచ్చి అరెస్ట్‌ చేస్తారని బెదిరింపులకు పాల్పడ్డాడు.  భయపడిన సతీష్‌.. రూ.37 వేలు ఆన్‌లైన్‌లో చెల్లించాడు. మరుసటి రోజు మరో గుర్తు తెలియని వ్యక్తి ఫోన్‌ చేసి ఇలాగే చెప్పడంతో బాధితుడికి అనుమానం వచ్చి సైబర్‌ క్రైమ్‌ నంబర్‌ 1930కు ఫోన్‌ చేసి ఫిర్యాదు చేశారు. సీఐ కేసు నమోదు చేసి దర్యాప్తు చేస్తున్నట్లు తెలిపారు..