రోడ్డుపై నిత్యం మురుగు ప్రవాహమే..!

వెంకటాపురం, న్యూస్‌టుడే: ఈ చిత్రంలోని రహదారి చూసి ఇదేదో మారుమూల పల్లెకు చెందిన రోడ్డు అనుకుంటే పొర పడినట్లే. మండల కేంద్రమైన వెంకటాపురంలోని మొదటి వార్డుకు చెందిన చర్చీపేటకు వెళ్లే కీలక దారి. దశాబ్ధాలు గడుస్తున్నా.. ఈ అంతర్గత దారిని అధికారులు, ప్రజాప్రతినిధులు పట్టించుకోకపోవడంతో.. నిత్యం నీటితో రాకపోకలకు ఆటంకంగా ఉంది. మురుగుకాలువ సైతం లేకపోవడంతో ఇరు వైపులా పిచ్చి మొక్కలు దట్టంగా పెరిగి దారి మధ్య నుంచే మురుగు నీరు పారుతోంది. ఆ దుస్థితిలోనే కాలనీ వాసులు నిత్యం రాకపోకలు సాగిస్తున్నారు. కాలమేదైనా ఈ దారి దుస్థితి ఇలాగే ఉంటుందని స్థానికులు ఆవేదన వ్యక్తం చేస్తున్నారు.