అనాథ వృద్ధురాలికి అంత్యక్రియలు

కాజీపేట, న్యూస్‌టుడే: అందరూ బతుకమ్మ పండగలో నిమగ్నమై ఉంటే ప్రశాంత్‌నగర్‌లోని సహృదయ వృద్ధాశ్రమ నిర్వాహకురాలు యాకూబీ మాత్రం అనాథ వృద్ధురాలి అంత్యక్రియలు నిర్వహించారు. యాకూబీ తెలిపిన ప్రకారం.. యాదాద్రి భువనగిరి జిల్లా పరిసర ప్రాంతాల్లో మతిస్థిమితం లేకుండా తిరుగుతున్న 60 ఏళ్ల వృద్ధురాలిని అక్కడి డీడబ్ల్యూవో అధికారులు గుర్తించి సహృదయ ఆశ్రమానికి సమాచారం అందించారు. నిర్వాహకురాలు యాకూబీ 2022 ఏప్రిల్‌ 4న ఆశ్రమంలో చేర్చుకున్నారు. సోమవారం ఆ వృద్ధురాలు మరణించారు. ఆమెకు సంబంధించి ఎవరూ లేకపోవడంతో భువనగిరి డీడబ్ల్యూవో అనుమతితో సోమవారం మధ్యాహ్నం హిందూ సంప్రదాయ పద్ధతిలో వృద్ధురాలికి అంత్యక్రియలు నిర్వహించారు.