ద్విచక్ర వాహనాల దొంగ అరెస్టు

వరంగల్‌క్రైం, న్యూస్‌టుడే: చోరీలకు పాల్పడుతున్న నిందితుణ్ని హనుమకొండ పోలీసులు అరెస్టు చేసి రెండు ద్విచక్ర వాహనాలు స్వాధీనం చేసుకున్నారు. హనుమకొండ ఇన్‌స్పెక్టర్‌ శ్రీనివాస్‌జీ కథనం ప్రకారం... భూపాలపల్లి జిల్లా రేగొండ మండలం పెద్దంపల్లికి చెందిన దాట్ల చరణ్‌తేజ హనుమకొండ ప్రైవేటు డిగ్రీ కళాశాలలో చదువుతున్నాడు. మద్యం, జల్సాలకు అలవాటుపడి రాచకొండ కమిషనరేట్‌ పరిధిలో రెండు ద్విచక్ర వాహనాలు చోరీ చేశాడు. హనుమకొండలో తనిఖీ చేయగా రెండు ద్విచక్ర వాహనాలు స్వాధీనం చేసుకొని రాచకొండ కమిషనరేట్‌ పోలీసులకు అప్పగించారు.