గాంధీ విగ్రహానికి క్షీరాభిషేకం

తొర్రూరు టౌన్‌, న్యూస్‌టుడే: కోల్‌కతాలో మహిశాసురవర్దిని విగ్రహ ఏర్పాటులో జరిగిన ఘటనను నిరసిస్తూ.. ఇంటర్నేషనల్‌ వైశ్య ఫెడరేషన్‌  సంఘం జిల్లా బాధ్యులు శ్రీనివాస్‌, మహేష్‌, మోహన్‌రావులు నిరసన తెలిపారు. సంఘం ఆధ్వర్యంలో డివిజన్‌ కేంద్రంలోని కంఠాయపాలెం క్రాస్‌రోడ్డు గాంధీ విగ్రహానికి మంగళవారం పాలాభిషేకం చేశారు. దేవత విగ్రహ ఏర్పాటులో గాంధీజీ తలపెట్టిన బాధ్యులపై కఠిన చర్యలు తీసుకోవాలన్నారు. ప్రభుత్వం స్పందించకుంటే ఆందోళన చేస్తామని హెచ్చరించారు. వెంకన్న, శ్రీనివాస్‌ వెంకటేశ్వర్లు, హర్షిత్‌, దయాకర్‌ పాల్గొన్నారు.