గంజాయి తాగుతూ పట్టుబడ్డ విద్యార్థులు

వివరాలు వెల్లడిస్తున్న సీఐ సంజీవ్‌, పక్కన ఎస్సైలు, ఏఎస్సై, సిబ్బంది

కమలాపూర్‌, న్యూస్‌టుడే: గంజాయి తాగుతున్న ఏడుగురు విద్యార్థులను పోలీసులు అదుపులోకి తీసుకున్నారు. ఈ ఘటన కమలాపూర్‌ మండలం మాదన్నపేట గ్రామ శివారులోని తాటివనంలో జరిగింది. ఇన్‌స్పెక్టర్‌ బొలిమల్ల సంజీవ్‌ విలేకర్ల సమావేశంలో వివరాలు వెల్లడించారు. కొందరు బయటి ప్రాంతాల నుంచి గంజాయి తీసుకొచ్చి హుక్కా పాట్్స, ఖాళీ వాటర్‌ బాటిళ్లలో నీళ్లు, గంజాయి నింపి తాగుతున్నారన్న విశ్వసనీయ సమాచారం మేరకు పోలీసులు దాడి చేశారు. ఈ దాడుల్లో ఏడుగురు విద్యార్థులను అదుపులోకి తీసుకున్నారు. వీరిలో ఐదుగురు డిగ్రీ, బీటెక్‌ చదువుతున్నారు. మరో ఇద్దరు పారిపోయారు. పారిపోయిన వారిలో ఒకరు విద్యార్థి కాగా, మరొకరు కారు డ్రైవర్‌గా పనిచేస్తున్నారు. అరెస్టయిన వారి నుంచి ఐదు చరవాణులు, రూ.5వేల విలువ గల 510 గ్రా. గంజాయి, రెండు హుక్కా పాట్్స, మూడు శీతల పానీయాల సీసాలు, సిగరెట్ డబ్బాలను స్వాధీనం చేసుకున్నారు. 9 మందిపై కేసు నమోదు చేసినట్లు ఇన్‌స్పెక్టర్‌ తెలిపారు. ఎస్సైలు ఎం.సతీశ్‌, వి.చరణ్‌, ఏఎస్సై సమ్మిరెడ్డి, సిబ్బంది పాల్గొన్నారు.