వంతెనను ఢీకొట్టి.. పొలాల్లో పడిపోయిన డీసీఎం వ్యాన్‌

నర్సంపేట‌:  సరకులతో వస్తున్న డీసీఎం వ్యాన్‌ అదుపుతప్పి వంతెనను ఢీకొట్టింది.  ఈ ఘటన బుధవారం ఉదయం వరంగల్‌ జిల్లా నర్సంపేట శివారులో జరిగింది. పోలీసులు తెలిపిన వివరాల  ప్రకారం.. వరంగల్‌ నుంచి నర్సంపేటకు సరకులతో వస్తున్న ఓ ట్రాన్స్‌పోర్ట్‌కు చెందిన డీసీఎం వ్యాన్‌    నర్సంపేట శివారులో అదుపుతప్పి వంతెనను ఢీకొట్టింది. అనంతరం పక్కనే ఉన్న పొలాల్లోకి పడిపోయింది. ఈ ప్రమాదంలో ఎవరికీ ఎలాంటి ప్రాణనష్టం జరగలేదు. సమాచారం అందుకున్న పోలీసులు ఘటనాస్థలికి చేరుకుని పరిశీలించారు.