వరంగల్‌ మొదటి అదనపు జిల్లా న్యాయమూర్తిగా పావని

ఖమ్మం అదనపు జిల్లా జడ్జిగా రాంప్రసాద్‌

వరంగల్‌ న్యాయవిభాగం, న్యూస్‌టుడే: వరంగల్‌ జిల్లా రెండవ అదనపు, ఉమ్మడి జిల్లా ఎస్సీ,ఎస్టీ న్యాయస్థాన న్యాయమూర్తిగా పనిచేస్తున్న పావని వరంగల్‌ మొదటి అదనపు జిల్లా న్యాయమూర్తిగా బదిలీ అయ్యారు. ఇటీవల రాష్ట్ర వ్యాప్తంగా 12మంది అదనపు జిల్లా జడ్జీలుగా ఎంపికైన విషయం తెలిసిందే. ఈ నేపథ్యంలో బదిలీలు చేస్తూ రాష్ట్ర హైకోర్టు విజిలెన్స్‌ రిజిస్ట్రార్‌ శుక్రవారం ఆదేశాలు జారీ చేశారు. న్యాయవాదిగా పనిచేస్తూ అదనపు జిల్లా న్యాయమూర్తిగా ఎంపికైన మనీషా మెహ్రను ఉమ్మడి జిల్లా ఎస్సీ, ఎస్టీ న్యాయస్థానం, వరంగల్‌ జిల్లా రెండో అదనపు న్యాయమూర్తిగా నియమితులైనారు. హనుమకొండ జిల్లా మొదటి అదనపు మునిసిఫ్‌ మెజిస్ట్రేట్‌ న్యాయస్థానంలో శుక్రవారం వరకు సహాయక పబ్లిక్‌ ప్రాసిక్యూటర్‌గా పనిచేస్తున్న దేవినేని రాంప్రసాద్‌రావును ఖమ్మం జిల్లా మూడవ అదనపు, ఎస్సీ, ఎస్టీ న్యాయస్థాన న్యాయమూర్తిగా నియమించారు.