ఆత్మగౌరవ భవనాల నిర్మాణానికి కట్టుబడి ఉన్నాం

ఎమ్మెల్యే పెద్ది సుదర్శన్‌రెడ్డిని సన్మానిస్తున్న పద్మశాలి కుల సంఘం బాధ్యులు  

నర్సంపేట, న్యూస్‌టుడే: ఎవరెన్ని అడ్డంకులు పెట్టినా, ఆటంకాలు కలిగించినా ఇచ్చిన మాటకు కట్టుబడి కుల సంఘాల భవనాల నిర్మాణాన్ని పూర్తి చేసేందుకు కట్టుబడి ముందుకు సాగుతున్నట్లు ఎమ్మెల్యే పెద్ది సుదర్శన్‌రెడ్డి అన్నారు. అవి కుల సంఘ భవనాలు కావని కుల సంఘాల ప్రజల ఆత్మగౌరవ వేదికలని పేర్కొన్నారు. నర్సంపేటలోని పద్మశాలి కుల సంఘ భవన నిర్మాణానికి రూ.కోటి మంజూరు చేయడంపై  హర్షం వ్యక్తం చేస్తూ ఆదివారం ఆసంఘం నాయకులు ఓంప్రకాశ్‌, సర్వేశ్వం ఆధ్వర్యంలో పద్మశాలీలు స్థానిక క్యాంపు కార్యాలయ సమావేశ మందిరంలో కృతజ్ఞత సభను జరిపి ఎమ్మెల్యే పెద్దిని ఘనంగా సన్మానించారు.  మార్కండేయ కాలనీలో మురుగు కాలువలు, సీసీ రోడ్డు, ఇతర సౌకర్యాలకు నిధులు మంజూరు చేయాలని కోరారు.