ఎస్సీ గురుకుల పాఠశాల విద్యార్థులకు అస్వస్థత

నర్సంపేట : వరంగల్‌ జిల్లా నర్సంపేటలోని ప్రభుత్వ సాంఘీక సంక్షేమ గురుకుల పాఠశాలకు చెందిన 32 మంది విద్యార్థులు అస్వస్థతతకు గురయ్యారు. ఈ రోజు వేకువ జామున 6 గంటలకు ఆర్మీ డ్రిల్‌ మాస్టర్‌ విద్యార్థులను నర్సంపేట ప్రభుత్వాసుపత్రికి తరలించారు. పాఠశాలలో 5,6,7 తరగతులు చదువుతున్న మొత్తం 34 మంది విద్యార్థులు వాంతులు, జ్వరం, జలుబుతో బాధపడుతున్నారు. ఆసుపత్రి సూపరింటెండెంట్‌ గోపాల్‌, డ్యూటీ డాక్టర్‌ ప్రావిణ్య  విద్యార్థులకు వైద్య సేవలు అందించారు.  తీవ్ర అస్వస్థతత ఉన్న విద్యార్థులకు చికిత్స అందిస్తున్నారు. గత నాలుగు రోజులుగా జ్వరంతో బాధపడుతున్న విద్యార్థులను ఉపాధ్యాయులు పట్టించుకోవడంలేదని మరికొందరు విద్యార్థులు వాపోయారు.